სუპერძალის სავარჯიშოს გამოყენების ინსტრუქცია

გამარჯობა, სუპერგმირო!
მზად ხარ, სწრაფად და სწორად დაითვალო, როგორც ნამდვილმა ჯადოქარმა? თუ კი, მაშინ მოდი ვივარჯიშოთ ერთად!

1. აირჩიე სირთულე, ანუ შეარჩიე შენი გმირი:

ბეტმენი — მარტივი დავალებები (1-დან 9-მდე ციფრები)

სპაიდერმენი — საშუალო სირთულე (ათეულები 10, 20, 30… ან წყვილი ორნიშნა რიცხვები 11, 22, 33…)

სუპერმენი — რთული დავალებები (ორნიშნა შერეული რიცხვები)

უბრალოდ დააწკაპუნე იმ გმირზე, რომლის არჩევაც გადაწყვიტე.

2. დააყენე სიჩქარე მილიწამებში (რაც უფრო დიდ რიცხვს ჩაწერ, მით უფრო დიდი ხნით გამოჩნდება რიცხვი ეკრანზე).
მაგალითად, “1000” ნიშნავს წამში ერთი რიცხვის/ციფრის გამოჩენას. “500” ნახევარ წამში ერთი რიცხვის/ციფრის გამოჩენას და ა.შ.

რიგი ნიშნავს იმას, თუ რამდენი რიცხვი/ციფრი გსურს, რომ ერთმანეთს დაემატოს ან გამოაკლდეს. რა თქმა უნდა, რაც უფრო მეტ რიგს ირჩევ, მით უფრო რთულ დავალებას ასრულებ.

3. დააჭირე “დაწყებას” როცა მზად იქნები.

ეკრანზე სწრაფად გამოჩნდება რიცხვები.

შეეცადე დაიმახსოვრო ყოველი მათგანი და სწორად შეასრულო მოქმედებები.

4. როცა რიცხვების ჩვენება დასრულდება, გამოჩნდება წარწერა: „რა მიიღე?“

“შენ პასუხში” ჩაწერე ის რიცხვი/ციფრი, რაც მიიღე. 

დააჭირე ყვითელ ღილაკს: შემოწმება.

5. თუ სწორად გამოთვალე — ყოჩაღ!
მიიღებ მწვანე შეტყობინებას და პატარა მედალს

თუ შეცდი — არაუშავს, გაჩვენებს სწორ პასუხს და შეგიძლია თავიდან სცადო.

რჩევები:
დააკვირდი რიცხვებს ყურადღებით.

არ იჩქარო, ივარჯიშე ყოველდღე — და მალე გახდები მენტალური არითმეტიკის სუპერგმირი!

თუ დააკვირდები შეამჩნევ, რომ სწორი პასუხის შემდეგ შეგიძლია შენი მიღწევების ნახვაც, ანუ რამდენ ხანში ამოხსენი მაგალითი და რამდენ რიგად. ეს დაგეხმარება, რომ შენი შედეგები დაიმახსოვრო და გააუმჯობესო.

“სკოლა იკიგაი” წარმატებებს გისურვებს!